Понедельник-Суббота с 10:00-18:00ч
Перерыв на обед: 13:00-14:00ч
Выходной: воскресенье
Парникова Александра Алексеевна
10:54 Муус устар 27 күнэ - Өрөспүүбүлүкэбит күнэ | |
Ленскэй нэһилиэккэ бүгүн Саха Өрөспүүбүлүкэтин Өрөгөйдөөх күнүн бэлиэтээһинэ буолла. Биллиилээх Государственнай, Политическай деятель, биир дойдулаахпыт, Саха Чулуу уола Максим Кирович Аммосов пааматынньыгар тыыннаах сибэкки дьөрбөтүн ууруу үөрүүлээх чааһа буолла. Манна кыттыыны ыллылар И.С.Гаврильев аатынан Нам 1N орто оскуолатын уонна Нам 2N орто оскуолатын 10 кылааһын үөрэнээччилэрэ, А.Ф.Шестаков аатынан Норуот айымньытын дьиэтин үлэһиттэрэ, нэһилиэк олохтоохторо. "Нам улууһа" МТ баһылыга Ю.И.Слепцов, "Ленскэй нэһилиэк" МТ баһылыга А.Г.Новгородов, "Хатырык нэһилиэгэ" МТ баһылыга Ю.В.Дьяконов, "Ленскэй нэһилиэк" МТ депутаттарын Сэбиэтин председателя А.В.Кириллин, Ленскэй нэһилиэк депутаттара О.С.Белолюбская, В.В.Кутуков, С.Г.Кокарев Чулуу Убайбытыгар сүгүрүйэн, тыыннаах сибэкки дьөрбөтүн уурдулар, эҕэрдэ тыл эттилэр. "Ленскэй нэһилиэк" МТ баһылыга А.Г. Новгородов 2017 сыл муус устар 4 күнүнээҕи 15 N-дээх Уурааҕынан, муус устар ый төрдүс бэнидиэлнигэр нэһилиэккэ Саха таҥаһын күнүнэн биллэриллибитэ. Бу бэлиэ күн чэрчитинэн, Ленскэй нэһилиэк киин уулуссатынан сиэдэрэй симэхтэрдээх сахалыы таҥастаах Нам олохтоохторо сомоҕолоһон, Саха Өрөспүүбүлүкэтин Өргөйдөөх күнүн көрсө, кэккэлии хаамтылар. М.К.Аммосов аатынан болуоссакка кэрэттэн кэрэ, саха санаатын астыннарар, ойуу-бичик оһуордаах саха национальнай таҥастарын кэппит, үөрбүт-көппүт мичээрдээх дьон-сэргэ тоҕуоруста. Эҕэрдэ тыллары кытта Олоҥхо ыһыаҕар бары түмсэн, өрөгөйдөөхтүк бу улахан тэрээһиҥҥэ кыттыыны ыларга ыҥырыы этилиннэ, оһуор үктэллээх Оһуохай дуорайда, саха талба талааннарын ырыалара ылланнылар, үҥкүүлэрэ тэйдилэр, дьэрэкээн мода көрөөччүлэри сэргэхситтэ. | |
|
Всего комментариев: 0 | |