Сэтинньи 11 кунугэр А.Ф. Шестаков аатынан Сынньалаҥ Кииҥҥээ Наталья Петрова проегынан, "Ленскэй нэһилиэк" МТ дьаһалтатын специалиһа Марат Петров өйөөһүнүнэн "Намҥа үтүө киэһэлэр" диэн аан бастакынан тэрилтэлэр эдэр үлэһиттэригэр сүрдээх интэриэһинэй оонньуу буолан ааста. Манна кыттааччылар икки комнадаҕа хайдыһан 5 этаабынан күрэхтэстилэр. Маннайгы бырайыагы И.Е. Винокуров аатынан НПК студеннарын БИНИНС хамаандата эрчимнээх үҥкүүтүнэн арыйда.  

Бу оонньууга кыттыыны ыллылар:
"Несносные Боссы" хамаандата - 
Михаил Макаров ("Айылгы" СК директора), 
Евгения Никифорова (Н.С. Охлопков аат. НУГ хореограва)
Анна Созонова ("Эҥсиэли" редакция корреспондена)
Валентин Лебедев ("Ленагаз" ЭРГО слесаря)
Юлия Ядрихинская (Үөрэх управлениятын Итиигэ уонна эбии үөрэхтээһиҥҥэ отдел специалиһа)
"Мы вторые, но первые" хамаандата - 
Саргылаана Колосова (И.С. Гаврильев аат. Нам орто оскуолатын Математикаҕа учуутала)
Валерий Федоров ("Просвет" индивидуальнай тэрилтэ фотограва)
Айталина Каратаева (И.С. Гаврильев аат. Нам орто оскуолатын Информатикаҕа учуутала)
Мария Дьяконова (З.П. Винокуров аат Оҕо искусствотын оскуолатын преподавателя)
Иван Кривошапкин (И.Е. Винокуров аат. НПК преподавателя).
Илээн-саҕалаан ыытта - республикаҕа биһирэмнээх ыыттааччыларыттан биирдэстэрэ - Александр Дьяконов.
Оонньуу олус интэриэһинэйдик, көрдөөхтүк буолла. Бары кыттааччылар бэрт бэһиэлэйдик, сымсатык уонна табыгастаахтык хоруйдары биэрэннэр, кыайыы туһугар итийэн-кутуйан туран сыраластылар. 
Түмүккэ, "Несносные боссы" хамаандата кыайыылаах таҕыста. Бары кыттааччыларга биирдиилээн анал дипломнар, мэтээллэр, кубоктар уонна харчылаах сертификаттар туттарылыннылар. 
Инникитин да бу бырайыак кэҥээн, көрөөччүлэри, көҕүлээччилэри түмэ турдун диэн бары баҕа санааларын эттилэр. Аныгыс сырыыга, Сана дьыллар каникулларыгар ыытыллыаҕа диэн буолла. Онон, тэрилтэлэр эдэр улэһиттэрин бу оонньууга көхтөөхтүк кыттаргытыгар ыҥырабыт.