Понедельник-Суббота с 10:00-18:00ч
Перерыв на обед: 13:00-14:00ч
Выходной: воскресенье
Парникова Александра Алексеевна
« Апрель 2019 » | ||||||
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |
03:40 Нам киинигэр норуот сааскы бырааһынньыга киэҥ далааһыннаахтык ааста. | |
Муус устар 7 күнүгэр, Максим Кирович Аммосов аатынан киин болуоссакка Нам нэһилиэгин Кыһыны атаарыытын бырааһынньыга буолла. Сарсыардаттан араас минньигэс, итии астаах хоручуопкалар үлэлээтилэр, араас атыы-кутуу тэрилиннэ. Бырааһынньыктыы киэргэммит сценаҕа Нам улууһун баһылыгын Социальнай үлэҕэ солбуйааччы П.В. Абрамов, "Ленскэй нэһилиэк" МТ баһылыга А.Г. Новгородов, нэһилиэк депутттарын Сэбиэтин председателя А.В. Кириллин үтүөкэн тыл үтүмэнин, айхаллаах тыл аламаҕайын эттилэр. Намнааҕы народнай театр ыччатын бөлөҕө, А.Ф. Шестаков аат. НАДь иһинэн "Далбар" үҥкүү коллектива, "Забота" үһүс оскуола "Ситим" үҥкүүтүн бөлөҕө, ырыаһыттар Афанасий Татаринов, Ирина Неустроева, Ньургун Федоров, Николай Жирков, Николай Протопопов уонна "Коробейники" нуучча ырыатын народнай ансаамбыла көрөөччүлэри дохсун ытыс тыаһынан сэргэхситтилэр. Түөлбэлэр ортолоругар "Масленичная композиция" конкурс ыытылынна. Олохтоохтор түөлбэлэрин хамаандалара бу күрэххэ анаан-минээн бэлэмнэнэн кэлэннэр, минньигэс чэй, блины, нуучча каравайа, чуучала (араас матырыйаалтан куукулалар) араастарын кэчигирэччи аҕаланнар, сүрдээх үчүгэйдик, частушка ырыа арыаллаах дьүүллүүр сүбэ уонна бырааһынньык көрөөччүлэригэр көрдөрдүлэр, үлэлэрин көмүскээтилэр. Ону сэргэ, оҕолорго, улахан дьоҥҥо анаан "Бэргэн ытааччы", "Хаатыҥканы ыраах быраҕааччы" уонна "Сыттыгынан саайсыы" диэн көрдөөх оонньуулар ыытылыннылар, бырааһынньык көрүн-нарын көҕүлүттэн туттулар. Ордук эр дьон бу оонньууларга көхтөөхтүк кытыннылар, ыал аҕалара оҕолорунаан күрэхтэстилэр. Ыччат дьону И.Е. Винокуров аатынан Намнааҕы педагогическай колледж студеннарын БИНИНС этэрээтэ муста, араас көрдөөх оонньуулары ыыттылар, тэтимнээх ырыаларын, эрчимнээх үҥкүүлэрин бэлэхтээтилэр. Саас кэлбитин уруйдуур үөрүүлээх тэрээһини "Лидер" спортивнай тэрилтэ иилээн-саҕалаан, оскуола оҕолорун ортолоругар Канат тардыыһыытын күрэҕэ түмүктээтэ. Кыайыыны "Слава" команда ылла. Түмүккэ: түөлбэлэр ортолоругар "Масленичная композиция" конкурска 1м "Госстрах" түөлбэ, 2м - "Саһарҕа" ТОС, 3м - "Почтовай" түөлбэ , "Долохоно" түөлбэ "Веселая компания", "Набережнай" түөлбэ "Масленичная кукла" номинацияларга тигистилэр. Бу курдук, биир өрөбүл күн, Саха Өрөспүүбүлүкэтигэр Аҕа күнүн кытта Нам киинигэр кырыа кыһыммыт кыйданна, сандал сааспыт айхалланна!
| |
|
Всего комментариев: 0 | |