Бүгүн, кулун тутар 21 күнүгэр,  "Мин тапталлаах куулам" диэн кырачаан кыргыттар ортолоругар улустааҕы конкурс буолла. Бу конкурска 1-Хомустаахтан, Партизан уонна Нам нэһилиэктэриттэн 10 кэрэчээн талааннаах кыргыттар кытыннылар. Конкурска бары 6 түһүмэҕи аастылар. Куукулалларын кытта хас биирдии кыттааччы кыыс чобуотук бэйэлэрин билиһиннэрдилэр, куукулалларыгар биһик ырыатын ыллаан иһитиннэрдилэр, бириэмэҕэ иһиттэн иһиккэ луоскынан уу кутан толорууга күрэхтэстилэр, аппликацианан кырачаан дьиэлэри киэргэттилэр,талааннарын, ким тугу сатыырын ыллаан, үҥкүүлээн, хоһоон этэн көрдөрдүлэр уонна куукулалларын кытта киэһээҥи былаачыйалаах сценаҕа таҕыстылар. Дьүүллүүр сүбэ түмүгүнэн, Муҥуутуур кыайыылааҕынан Нам нэһилиэгиттэн Виктория Новгородова буолла, атын кыттааччыларга анал ааттар, дипломнар,  барыларыгар улахан куукула арааһа туттарылынна. Проект ааптара, Саха Өрөспүүбүлүкэтин культуратын туйгуна Ирина Неустроева 9-с нүөмэрдээх кыттааччыга - Кристина Белолюбскаяҕа бэйэтин анал бирииһин туттарда.  

Бу курдук, улууска иккис төгүлүн ыытыллыбыт тэрээһинтэн кыттааччылар, төрөппүттэр, көрөөччүлэр уонна тэрийээччилэр олуһун диэн астынан, хас биирдии кыттааччы өттүк харалаах, илии тутуурдаах тарҕастылар. Төрөппүттэр тэрийээччилэргэ оҕолор талааннарын, киэҥ сиргэ толлубакка бэйэлэрин эппиэтинэстээх түгэҥҥэ ыһыктыбакка көрдөрөллөрүгэр кыах биэрэн, маҥнайгы олук уурбуттарыгар  махтаннылар.