Понедельник-Суббота с 10:00-18:00ч
Перерыв на обед: 13:00-14:00ч
Выходной: воскресенье
Парникова Александра Алексеевна
10:58 Ыам ыйын 1 күнэ | |
Нам улууһун киин нэһилиэгэр - "Ленскэй нэһилиэк" МТ Максим Кирович Аммосов аатынан болуоссакка "ЭЙЭ, ҮЛЭ, МААЙ!" үлэ тэрилтэлэрин үөрүүлээх сомоҕо хаамыыта буолла. 5000 кэриҥэ кыратыттан улаханыгар дьылы дьон-сэргэ кыттыыны ылла. Дьэрэккээн шаардаах, араас кэрэ көстүүмнэрдээх, үлэ формалаах, уруйдуур өрөгөйдөөх суруктардаах плакаттардаах, транспораннаах 80ча тэрилтэ Россияҕа Театр, Саха Өрөспүүбүлүкэтигэр Сомоҕолоһуу, Нам улууһугар Олоҥхо ыһыаҕын уонна Ленскэй нэһилиэккэ Культура сылларын айхаллаатылар, сандал сааһы, үлэ дьонун туругурдан, долгуйдьуһа хаамтылар. Үөрүүлээх тэрээһин Сомоҕо хаамыытын Нам улууһун Культуратын үлэһиттэрин тэрилтэлэрэ арыйдылар. Киин трибунаҕа "Нам улууһа" МТ баһылыга Ю.И.Слепцов, "Ленскэй нэһилиэк" МТ баһылыга А.Г.Новгородов, Улуус Мунньаҕын председателын солбуйааччыта Е.В.Ядреева, нэһилиэк депутаттарын Сэбиэтин председателя А.В.Кириллин уонна Нам улууһун Идэлээх сойууһун межотраслевой Сэбиэтин председателя А.Г.Шарапов үлэ дьонун уруйдуу-айхаллыы көрүстүлэр, эҕэрдэ тылларын эттилэр. Сомоҕо хаамыыга кыттыыны ылбыт колонналар ортолоругар, үтүө үгэскэ кубулуйбут, конкурс быһыытынан көрүү түмүгүнэн: 1 м - И.Е.Винокуров аатынан Намнааҕы педагогическай колледж, 2 м - Ленскэй нэһилиэк, 3 м - Сбербанк үлэһиттэрин колонналара буоллулар. Дипломунан уонна сертификатынан наҕараадаланнылар. Үөрэҕирии Управлениятын Идэлээх сойууһун комитетын көрүүтүгэр, үөрэх тэрилтэлэригэр: 1 м - Н.С.Охлопков аатынан Улуустааҕы Гимназия, 2 м - И.С.Гаврильев аатынан Нам 1N орто оскуолата, 3 м - Нам 2N орто оскуолата ыллылар. Оҕо саадтарын ортолоругар: 1 м - Нам 7N "Туллукчаан" оҕо саадын, 2 м - Нам 12N "Мичил" оҕо саадын, 3 м - Нам 4N "Чэчир" оҕо саадын коллективтара ыллылар уонна бары харчынан бириэмийэнэн наҕараадаланнылар. Болуоссакка, тэрээһин тухары, тэҥҥэ симэммит, киэргэммит туундара табата, күннээх Азия дьиэ кыыла осёл, уотунан барар массыыналар кырачааннары аралдьыттылар, атыы-эргиэн, итии үүттээх чэйдээх ас арааһа тэнийэ тэрилиннэ. Бу курдук, сааскы чаҕыл бырааһынньыкка, эйэ, үлэ, доҕордоһуу, сомоҕолоһуу күнүгэр, үлэни кытта үөрүүнү дьүөрэлээн, өрөгөйдөөх түгэни биир санаанан салайтаран, бииргэ түмсэн, Күөх Маайы Нам сирэ уруйдаата- айхаллаата!
| |
|
Всего комментариев: 0 | |