Ахсынньы 1 күнүгэр А.Ф. Шестаков аатынан Сынньалаҥ Кииҥҥэ "Ньургуһун" народнай үҥкүү-хор коллектива "народнай" званиетын сыаналыыр хамыыһыйа уонна көрөөччүлэр иннилэригэр көмүскээтэ. Ол курдук, хамыыһыйа састаабыгар: Республикатааҕы Норуот айымньытын уонна социальнай-кульутрнай технология Дьиэтин хоровой искусства отделын специалиһа А.Т. Аммосова, Республикатааҕы Эбии үөрэхтээһин уонна Оҕо сайдар Киинин Старшай методиһа Н.Н. Терютин, Нам улууһун Культура уонна духуобунай сайдыы Управлениетын начальнигын солбуйааччы Е.Н. Бурцева олордулар, хас биирдии репертуары ырытан, септеех сыанабылы туруордулар.  Коллектив 5-тэн 78-гар диэри саастаах  150 кыттааччыны хабан, балтараа чаастаах айар концерты биир тыынынан көрдөрдө. 

Түмүккэ - Народнай диэн аат үрдүк таһымҥа көмүскэннэ.