Эҥсиллэр Эҥсиэли хочотугар, налыы сыһыылардаах Нам сиригэр 13-с Өрөспүүбүлүкэтээҕи Олоҥхо ыһыаҕа ыытыллара чугаһаатар чугаһаата. Бүгүн киэһэ А.Ф.Шестаков аатынан Норуот айымньытын дьиэтигэр "Эҥсиэли хочото Олоҥхо ыһыаҕын уруйдуур!" диэн Ленскэй нэһилиэгин олохтоохторо кыттыылаах концерт буолла. Киирии билиэттэринэн биһиги спонсордарбыт - Наммыт чэчирии сайдарыгар эмиэ сэмэй кылааттарын киллэрсэр тэрилтэлэрбит, биирдиилээн предпринимателлэрбит туруорбут бэлэхтэрэ оонньоннулар. Бастакы бирииһи - "Көмүс" маҕаһыынтан үрүҥ көмүс кулону Раиса Горохова үөрэ-көтө сүүйдэ. Онтон сүрүн бирииһи - Граф биэрэгин Намнааҕы техникум туруорбут "В"категорияҕа босхо үөрэнэргэ сертификаты Екатерина Охлопкова сүүйдэ. А.Ф.Шестаков аатынан Норуот айымньытын дьиэтэ Хамаҕаттатааҕы "Сүүрээн" хаһаайыстыбаҕа А.Жирковка, "Хатан" спортивнай кулуупка А.Назаровка, "Вероника-Кейк" маҕаһыыҥҥа В.Верховцеваҕа, "Көмүс" маҕаһыыҥҥа В.Заровняеваҕа, "Евдокия"  маҕаһыыҥҥа Е.Гаврильеваҕа, "Эҥсиэли-Rekords" студия С.Акимбетовка, "ruslanovna86_makeup" макияж С.Румянцеваҕа, парикмахер Туяра Давыдоваҕа, "АвтоРесурс" автосервиска П.Соловьевка, Намнааҕы техникумҥа "В" Н.Жирковка, "МАУ АРТ" тэрилтэҕэ В.Яковлевка, ИП "Соловьев" тэрилтэҕэ, ырыаһыт Кэскил Баишевка барҕа махталбытын биллэрэбит. бу курдук, общество түмүстэҕинэ туох барыта таһаарыылаах, тэрээһиннээх диэн туран, куруук биир киһи курдук биир сомоҕо буолан өрүү ситиһии эҥэрдэниэҕиҥ.