Эҥсиллэр Эҥсиэли хочотугар, налыы сыһыылардаах Нам сиригэр 13-с Өрөспүүбүлүкэтээҕи Олоҥхо ыһыаҕа ыытыллара чугаһаатар чугаһаата. Бүгүн киэһэ А.Ф.Шестаков аатынан Норуот айымньытын дьиэтигэр "Эҥсиэли хочото Олоҥхо ыһыаҕын уруйдуур!" диэн Ленскэй нэһилиэгин олохтоохторо кыттыылаах концерт буолла. Киирии билиэттэринэн биһиги спонсордарбыт - Наммыт чэчирии сайдарыгар эмиэ сэмэй кылааттарын киллэрсэр тэрилтэлэрбит, биирдиилээн предпринимателлэрбит туруорбут бэлэхтэрэ оонньоннулар. Бастакы бирииһи - "Көмүс" маҕаһыынтан үрүҥ көмүс кулону Раиса Горохова үөрэ-көтө сүүйдэ. Онтон сүрүн бирииһи - Граф биэрэгин Намнааҕы техникум туруорбут "В"категорияҕа босхо үөрэнэргэ сертификаты Екатерина Охлопкова сүүйдэ. А.Ф.Шестаков аатынан Норуот айымньытын дьиэтэ Хамаҕаттатааҕы "Сүүрээн" хаһаайыстыбаҕа А.Жирковка, "Хатан" спортивнай кулуупка А.Назаровка, "Вероника-Кейк" маҕаһыыҥҥа В.Верховцеваҕа, "Көмүс" маҕаһыыҥҥа В.Заровняеваҕа, " ... Читать дальше »

Бүгүн, Аан дойдутааҕы Оҕо көмүскэлин күнүгэр, Нам улууһун киинигэр Доҕордоһуу болуоссакка "Дьоллоох оҕо саас" диэн оҕо аймахха анаан үөрүүлээх тэрээһин буолла. Сарсыардаттан атыыһыттар, араас аттракционнар, Нам 23N Баһаарнай сулууспа байыастарын араас техникалара быыстапкаҕа турдулар. ... Читать дальше »