А.Ф. Шестаков аатынан Сынньалаҥ Киин өрөбүллэргэ даҕаны аана куруук аһаҕас. Күннээҕи түбүктэн аралдьыйа, биир үөлээннээхтэрдиин алтыһа, сэһэргэһэ, сонун истиһэ аҕам саастаах дьоммут бу түгэннэргэ дьиэттэн тэйэн, биһиэхэ санаалыын сэргэхсийэ кэлэллэр.  Тарбахтарыгар талааннаахтар нарын ырыа матыыптаах оһуор анньан иистэнэллэр, оҕуруонан араас оҥоһуктары айан таһаараллар. Үҥкүү абылаҥыр уйдарбыттар сценаҕа тахсан оргууй наскылдьыйа хамсанан, эти-хааны эрчийэн, сахалыы даҕаны араас омуктуу даҕаны үҥкүүлэри толорорго үөрэнэллэр. Ырыаны олохторун аргыһа оҥостубут эйээрэр куоластаахтар ыллам ырыа үрдүк искусстватыгар уһуйулаллар, са ... Читать дальше »

Бэҕэһээ, ол эбэтэр, Олунньу 10 күнүгэр, А.Ф. Шестаков аатынан Сынньалаҥ Кииҥҥэ, Саха сиригэр Ыччат сыла саҕаламмытынан, күндү көрөөччүлэргэ умнуллубат дьоро киэһэ буолан ааста. Ол курдук, И.Е. Винокуров аатын сүгэр Намнааҕы педагогическай колледж ИЗО-15Б уонна ИЗО-16Б группаларын студеннарын айар киэһэлэрэ ырыа ыллыктаах, үҥкүү үктэллээх, кэрэ кэпсээн кэһиилээх буолла. Хас биирдии толороччуну көрөөччү саалата хабыллар ытыс тыаһынан эҕэрдэлии көрүстэ. Бу 43 студентан турар олус көхтөөх икки группаны И.Е. Винокуров аатынан НПК тьютора Туяра Петровна Иннокентьева салайан илдьэ сырытта. Концерт буолара үс күн хаалыыта күн аайы сценаҕа, фойеҕа, вестибюльга уонна биирдиилээн хосторунан репетиция бөҕө толору тэрилиннэ.   Ол түмүгэр, күндү көрөөччүлэргэ  ыччат тэтимнээх, көрдөөх уонна олус сэргэх, сүргэни көтөҕөр дьоро  киэһэ кэрэ бэлэх буолла.