Олунньу 24 күнүгэр, А.Ф. Шестаков аатынан Сынньалаҥ Кииҥҥэ Аҕа дойду көмүскээччилэрин күнүн чэрчитинэн, уол оҕо талба талаана арыллар, салгыы сайдарыгар бастакы олук ууруллар "Дьоҕур бэргэн" (Минута славы) улуустааҕы күөн күрэс буолла. Бу тэрээһиҥҥэ, Үөдэй, 1-Хомустаах, Партизан, Таастаах, Граф биэрэгэ, Бөтүҥ, Хатырык уонна Нэм нэһилиэктэриттэн 7-тэн 15-гэр диэри саастаах уолаттар көрөөччү иннигэр талааннарын көрдөрдүлэр. Дьүүллүүр сүбэҕэ олордулар: СР культуратын туйгуна Ирина Неустроева, СР культуратын туйгуна Варвара Бережнева, Саха төрүт үгэһин тарҕатааччы, мелодист Петр Охлопков, «Үргэл» үҥкүү коллективын салайааччыта Римма Бурнашева уонна боевой дьайыылар ветераннарын Нам улууһунааҕы общественнай түмсүүтүн салайааччыта, байыас – Павел Оконешников. Хас биирдии кыттааччы таҥаһын-сабын, сценаҕа тутта сылдьарын, толоруу маастарыстыба ... Читать дальше »