А.Ф. Шестаков аатынан Сынньалаҥ Кииммит Саҥа дьыллааҕы бырааһынньыктары нэһилиэнньэҕэ тэрээһиннээхтик, киэҥ далааһыннаахтык ыытарын таһынан, үлэһиттэр сынньалаҥнарын эмиэ умнубат. Ол курдук, профсоюзпут саҥа сылга саҥа сүүрээннэри киллэрэн, саҥа күүс тэтиминэн үүммүт сылга өссө дьаныардаах үлэҕэ түһүнүү иннинэ дьоро киэһэни тэрийдэ. Маанылаах остуол тула Тымныы Моруос оҕонньор бэлэхтэрин хас биирдии үлэһит оҕолоругар үөрүүлээх быһыыга-майгыга профсоюз председателя С.М. Тихонова туттартаата. Ону сэргэ, хас биирдии кабинеттарынан көрдөөх күрэхтэр, эрдэ бэлэмнэниллибит музыкальнай эҕэрдэлэр көхтөөх ытыс дохсун ытыс тыаһынан ыытылыннылар. Бары олус сэргэхтик бу дьоро киэһэни атаардылар, профсоюзка махталларын биллэрдилэр.

Кыһыҥҥы каникул кэмигэр оҕолорбут дьоллоох Дьокуускай куорат П. А. Ойуунускай аатынан Саха театрыгар, Государственнай Циркэтигэр остуоруйалары көрдүлэр, болуоссаттарынан сырыттылар, сыырга сырылаан, кафеларга минньигэстик күндүлэнэн, үөрүү-көтүү аргыстаах сырыттылар.

Бу курдук, профсоюзпут өрүү үөрүүлээх сынньалаҥнары тэрийэ турдун!